Погба одби нов договор со Манчестер јунајтед, го чека богата понуда од Реал

Пол Погба има важечки договор до крајот на сезоната со „црвените ѓаволи“/ фото: EPA-EFE/Andrew Yates

Французинот не игра за моментно шестопласираниот на табелата во Премиер лигата поради повреда на бутниот мускул и на фудбалот треба да му се врати во текот на јануари следната година.

Повторно се шпекулира дека Пол Погбa нема да ја продолжи соработката со Манчестер јунајтед, објавуваат денеска британските медиуми.

Така, сè е подготвено за второто заминување на 28-годишниот Погба од „Олд Трафорд“ каде првпат по 2009 година играше во јуниорските категории и накратко за првиот клуб (во текот на 2011 и 2012 година).

Потоа, замина во Јувентус и го носеше дресот на торинскиот клуб до 2016 година, кога се врати во Манчестер во трансфер вреден дури 105 милиони фунти.

Важечкиот договор на францускиот репрезентативец со „црвените ѓаволи“ истекува на крајот од тековната сезона кога би можел да го смени клубот како слободен играч, а повторно се споменува можноста за негово враќање во Торино. Но, заминувањето во Реал Мадрид веќе некое време е пореална опција кога станува збор за играчот од средниот ред.

Видео на денот