Почна санација на улицата „Малешевска 1“ во Кисела Вода
Почнаа градежните активности за санација на улицата „Малешевска 1″ во населбата Драчево, информираат денеска од Општина Кисела Вода.
Како што посочуваат во соопштение, екипите на фирмата изведувач „Топ Билд”, ангажирана од Општината, почнаа со копање на постојниот асфалт кој е видно оштетен. Се работи за реконструкција на улицата во должина од 1,3 километри. Градежните активности ќе траат еден месец.
Претходно, на оваа улица Општината постави водоводна мрежа во должина од 1,2 км, а по завршувањето на сегашните активности за санација на улицата, се очекува да биде подобра и патната инфраструктура.
Општина Кисела Вода апелира за трпение и разбирање од страна на локалното население додека траат градежните работи.
– Екипите што работат на реконструкциите и на оваа и на другите локации во општината, се трудат да работат брзо и во тие куси рокови внимателно планираат како нарушувањата во сообраќајниот режим да бидат минимални, се наведува во соопштението на Општината.