Почина легендата на Бостон и НБА, Џон Хавличек
Џон Хавличек целата НБА кариера ја помина во екипата на Бостон селтикс (1962-1978) и притоа освои дури осум шампионски титули.
It is with great sadness we have learned that Celtics Legend and Hall of Famer John Havlicek has passed away peacefully today at the age of 79. He will be dearly missed by his Celtics family.
A statement from the Celtics: https://t.co/yqOkZPkbej pic.twitter.com/xlUCKjbKvg
— Boston Celtics (@celtics) April 26, 2019
Неговиот поранешен тим, Бостон, прв ја објави веста за смртта на Хавличек, не ја кажа точната причина, но наведе дека долги години боледуваше од Паркинсонова болест.
Џон Хавличек дури 13 пати настапи на Ол стар натпреварите, беше МВП на финалната серија, а дресот со број 17 е повлечен од употреба во Бостон селтикс но и во колеџот Охајо Стејт.
Кошаркарската јавност го знае Хавличек како голем шампион, неверојатен шутер но и човекот кој го направи еден од најпознатите моменти во историјата. Хавличек го пресече додавањето на Хал Грир во финалето на Источната конференција 1965 година против Филаделфија, што и до денешен ден се смета за еден од најголемите моменти во НБА.