По остварувањето како мајка, Симона Поповска се враќа со нов сингл “Fееl So Good”
По пауза од скоро година и половина од музичката сцена, нашата позната пејачка и доктор дерматолог Симона Поповска со нов сингл.
Причини за оваа пауза се остварувањето на Симона како мајка и донесувањето на свет на синот Никола.
View this post on Instagram
Симона e позната и како член на единственото „dance“ дуо кај нас Саунд Месинџерс заедно со Дј Ерик Фокс, кои беа доста актуелни со настапи по клубовите низ земјава па и надвор од неа. И овој пат повторно со заедничка соработка Симона и Ерик подготвија ново музичко задоволство.
View this post on Instagram
Се работи за нејзиниот нов сингл со наслов “Feel so good”. Музиката е на Ерик Фокс и Рената Кралевска со текст на Рената Кралевска, во продукција на Ерик Фокс. Песната наскоро ќе се најде и на познатите музички платформи, како „Spotify“ и „Аppstore“.
Музичкото „lyrics“ видео во прилог го изработи Зоран Зонде Стојановски.
Симона ни најавува уште неколку песни кои се очекуваат да излезат многу наскоро на македонски, а некои и на англиски јазик. Со ова Симона најавува враќање на музичката сцена и нејзини настапи по локалите и клубовите.
