Петмина насилници од Прилеп и Росоман вчера се уапсени откако жител на селото Мелница во Општина Чашка ги пријавил дека на пат кон битолското село Цапари го нападнале него и неговото семејство, соопшти МВР.

„На 03.10.2022 полициски службеници од ОВР Прилеп ги лишиле од слобода С.П.(34), Т.П.(32), двајцата од Росоман, Г.С.(25), Н.Н.(34) и В.С.(36), тројцата од Прилеп, постапувајќи по пријава од Р.Н.(35) од с.Мелница, Општина Чашка, според која додека тој и членови на неговото семејство со патнички возила патувале од с.Мелница кон с.Цапари, битолско, биле физички нападнати од неколку лица кои биле со патнички возила „Фолксваген Поло”, со кавадаречки ознаки и „БМВ”, со прилепски ознаки“, пишува во полицискиот билтен.

По преземени мерки и активности, лицата се приведени во полициска станица и по документирање на случајот против нив ќе биде поднесен соодветна пријава, додаваат од МВР.