Петгодишно девојче од Газа повторно се обедини со нејзината 18-месечна сестричка
Би-Би-Си објави снимка на која се гледа повторното обединување на две сестри по воздушниот напад во Рафах, јужна Газа.
18-месечната Јулија била извлечена од урнатините на уништената зграда и итно пренесена во болницата Ел-Наџар. Нејзината петгодишна сестра Жури, која исто така била спасена од урнатините, веќе била таму.
„Сестра моја, драга моја“, рече Жури во моментот кога сфати дека нејзината сестра преживеала.
Двете биле на ручек со семејството кога била бомбардирана зградата до нив. Експлозијата ја уништила куќата во која се наоѓале, рекол нивниот вујко. Девојчињата се здобиле со повреди на главата, биле преплашени и истрауматизирани, додаде тој.
Девојчињата подоцна ја напуштиле болницата со своите семејства.