Партизан се откажа од плеј-офот, КСС го потсети дека добива пари од државата
Кошаркарскиот клуб Партизан вчера одлучи да се откаже од настапот во плеј-офот во српскиот шампионат со што се соочува со преселба во најниог ранг на натпреварување.
„Црно-белите“ се револтирани од одлуката на Кошарската федерација на Србија (КСС) најдобрите српски екипи, Партизан и Црвена звезда настапот во домашното првенство да го започнат во полуфиналето на плеј-офот, а притоа предноста на домашен терен да се одредува според пласманот во АБА лигата.
Црвена звезда го имаше најдобриот скор во регуларниот дел од сезоната во АБА лигата и со тоа ја доби предноста на домашен терен во плеј-офот на домашното првенство, а тоа не му се допадна на Партизан кој бараше да се игра на неутрален терен или да се играат натпревари за одредување на позициите во плеј-офот.
Исто така „црно-белите“ бараат реакција од надлежните за честите испади на навивачите на двете екипи кои доведоа на петте натпревари во финалето на АБА лигата да има прекини, па дури и празнење на салата во мајсторката.
– КК Партизан ја заврши сезоната 2021/22 и нема да се натпреварува во плеј-офот од домашната Супер-лига. Ваквата одлука клубот ја донесе по сите случувања на финалната серија од плеј-офот од АБА-лигата, каде на сите пет натпревари се случија бројни инциденти кои доведуваа до прекини, загрозување на безбедноста на играчите и стручниот штаб, но и срамотење на српската и регионалната кошарка пред светската јавност. Воедно, клубот на тој начин остава простор сите релевантни фактори да седнат на маса до почетокот на новата сезона и да донесат решение кое ќе спречи никогаш да не се повторат слични работи – соопшти меѓу другото Партизан.
Одговорот дојде од КСС кој остро реагираше на одлуката на Партизан и го потсети тимот дека добил милионска помош од владата на Србија.
– Српската кошаркарска лига е непријатно изненадена и многу разочарана од одлуката на Партизан да се повлече од натпреварувањето. Одлуката, која сама по себе е скандалозна, дополнително е неточна, бидејќи беше официјално објавена пред самиот почеток на полуфиналната серија од плеј-офот. Партизан со својата одлука и нанесе голема штета на српската кошарка. Сметаме дека одлуката за откажување од натпреварувањето во највисокиот државен ранг е непочитување кон државата Србија, особено во време кога државата издвојува огромни средства за спортот, а особено за кошарката и затоа за Партизан. Српската кошаркарска лига е принудена да ги преземе сите неопходни мерки мерки кои се во согласност со одредбите од актите – соопшти КСС.