Македонската фудбалска А репрезентација за првпат во нејзината историја ќе игра на едно големо натпреварување, во овој случај Евро 2020.

Капитенот на нашата селекција, Горан Пандев кој имаше големи успеси во клупската кариера, го исполни сонот играјќи со националната репрезентација на големо натпреварување.

Тој го реализираше победничкиот гол лани против Грузија во Тбилиси за пласман на ЕП, го постигна водечкиот погодок во мундијалските квалификации во Дуизбург против Германија во триумфот од 1:2.

Нашиот најдобар стрелец во репрезентативниот дрес со 37 голови, веќе извесно време се најавува дека можно е по завршувањето на ЕП да ја заврши кариерата.

– Дојде и тој ден кога почнува Европското првенство. Денот кој го сонував долго време низ мојата кариера. Македонија да игра на едно вакво големо натпреварување. Можеби ова се последните мои натпревари за македонската репрезентација.

Сакам како капитен да ви се обратам на цела нација. Оваа генерација е најсветото нешто на македонскиот фудбал, ова е генерацијата што ја обедини цела Македонија.

Горд сум на секој момент и секоја капка пот пролеана во светиот дрес. Сонот го испишавме, одиме за испишеме историја. Бидете со нас и навивајте за Македонија – напиша Пандев на „Инстаграм“.

ВИДЕО I Атлетик ја анализира играта на Македонија, имаат одличен пресинг