Во април 1966 година магазинот Тајм објави насловна страница со прашањето „Дали е Бог мртов?“ и го предизвика бесот на Американците. Но, денеска, кога станува збор за религиите работите не се толку екстремни.

Според скорешно истражување на Галуп, за првпат во историјата мнозинството Американци не припаѓаат на ниедна црква.

-И официјално, живееме во паганска нација, вели уредник на едно католичко списание.

Експертите за испитување на јавното мислење оценуваат дека опаѓањето на членството во црквите е во пораст поради оние кои не сакаат да се поврзуваат со религиозни институции, а тоа сега е една третина од населението. Но, нивната подгрупа, односно оние кои (не) веруваат во „ништо посебно“ е групата која ја прекројува сликата.

Иако таквите луѓе обично се ставаат во ист кош со атеистите и агностиците, тие се двојно побројни од нив. Секој четврти Американец не верува во ништо посебно, па ваквото поимање на сопствената религиозност расте побргу од која било од „конвенционалните“ верски групи, пишува Економист.