Пандемијата предизвикана од новиот корона вирус Ковид – 19 не ја поштеди ни компанијата  „Волт Дизни“ која поради спречување на ширењето на вирусот беше принудена да ги затвори забавните тематски паркови ширум светот, филмските премиери беа одложени, а со тоа претрпи и големи финансиски загуби.

За кварталот кој заврши на 27 јуни, компанијата пријави загуба од 4,84 милијарди долари или 2,61 американски долари по акција, во однос на добивката од 79 центи во претходниот квартал.

Приходите паднаа за 42 проценти на 11,78 милијарди американски долари, додека аналитичарите предвидоа дека тоа ќе бидат 12,39 милијарди американски долари, пренесува ФактСет.

„Дизни” отвори некои свои паркови низ целиот свет, но повеќето и натаму се затворени за време на фискалниот трет квартал на компанијата.

Компанијата соопшти дека затворањето на парковите чинело 3,5 милијарди долари за квартал.