Пациентот им рекол на лекарите дека неговите вообичаени лекови повеќе не ги спречуваат мигрените од кои страдал, а кои сега се појавувале речиси секоја недела.

Мажот рекол дека неодамна не патувал надвор од земјата ниту јадел сирова храна. КТ и МРИ покажале повеќе цисти на двете страни од неговиот мозок. Му била дијагностицирана паразитска инфекција невроцистицеркоза.

Состојбата се користи за да се опише кога цисти на ларви – затворени ќеси кои го содржат незрелиот стадиум на паразитот – на свинската тенија инфицираат различни делови од телото и предизвикуваат воспаление.

Лекарите на пациентот веруваат дека паразитот влегол во неговото тело преку недоволно зготвена храна, а потоа преку крвотокот патувал од неговите црева до мозокот.

Симптомите зависат од тоа колку цисти и каде се наоѓаат во мозокот, но најчесто вклучуваат конфузија, недостиг на внимание на луѓето и околината, проблеми со рамнотежата и вишок течност во мозокот познат како хидроцефалус.

Експертите кои го лекувале пациентот забележале и дека нападите се јавуваат кај околу 80 отсто од пациентите со инфекција.

Пациентот бил однесен на одделот за интензивна нега, каде четири пати на ден му давале кортикостероид дексаметазон за да се намали отокот во мозокот.

Две недели му давале албендазол и празиквантел, кои се користат за лекување на инфекции со црви, така што цистите на пациентот исчезнале.

Случајот бил објавен во стручниот магазин „Американ журнал оф кејс репорт“ (American Journal of Case Reports).