Коронавирусот ја натера италијанската влада на радикални мерки, најголемото дерби во Серија А, попупарното „Дерби Италија“ помеѓу Јувентус-Интер ќе се игра без гледачи. По избивањето на епидемија на коронавирусот во Италија, минатиот викенд беа одложени четири натпревари, додека наредниот во Северна Италиа ќе се игра без гледачи.

„Дерби Италија“ ќе биде тажно на празната „Алијанц“ Арената, официјално нема влезници за овој натпревар, навивачите ќе бидат обесштетени, а одлуката ја потврди италијанскиот министер за спорт, Спадафора. Јувентус бараше одложување на натпреварот, но Италијанската фудбалска федерација не прифати такво нешто бидејќи смета дека би се загрозила регуларноста на Серија А.

Освен најголемиот натпревар во Италија, наредниот викенд без гледачи ќе се одиграат и натпреварите помеѓу Удинезе-Фиорентина, Сасуоло-Бреша, Парма-Спал и Милан-Џенова.

Покрај тоа, Интер во четврток ќе игра без гледачи против Лудогорец во реванш натпреварот од 1/16 финалето од Лигата на Европа.