Како што и се најавуваше во изминатиот период кога веќе тоа го потврди и неговиот претходен клуб, Академија Пандев, тоа истото денеска го направи и босанскиот клуб Сараево на чија клупа ќе седне Александар Васоски.

Македонскиот стратег денеска официјално беше промовиран пред јавноста и ги најави амбициите за вториот дел од сезоната.

– За мене е чест и задоволство што ме препознаваат како дел од голем клуб како Сараево. Тоа е задоволство, но и голема обврска, но тоа можам да го носам на мои плеќи. Првата цел сезонава е клубот да излезе во Европа и да го освои Купот, а долгорочно да етаблираме млади играчи во првиот тим и зошто не и во репрезентацијата на Босна и Херцеговина. Заедно го туркаме овој проект напред – вели Васоски.

Во оваа екипа настапува и поранешниот репрезентативец Крсте Велкоски кој сезонава во тамошниот шампионат има 10 настапи, без реализиран погодок.

Сараево е моментно на четвртата позиција во првенството со 28 бодови, 20 помалку од водечкиот Зрињски.