Официјално: Дарко Велковски ќе игра во Саудиска Арабија за Ал Етифак
Откако ја напушти Хрватска и екипата на Риека по завршувањето на минатата сезона, Дарко Велковски беше во потрага по нов клуб.
Македонскиот репрезентативец одлучи кариерата да ја продолжи Саудиска Арабија каде што ќе ги брани боите на Ал Етифак со договор до 2024 година.
Претходно се шпекулираше во унгарските медиуми дека можно е нашиот играч да направи трансфер во редовите на МОЛ Фехервар каде што настапува и Никола Серафимов.
Ал Етифак со видео запис официјално ја информираше јавноста дека нов играч на клубот е Велковски со дел од неговите настапи на клупски и репрезентативен план.
Во нашата земја го носеше дресот на Работнички, а централниот бек три години беше дел и од Вардар.
Ал Етифак настапува во најсилната професионална лига на Саудиска Арабија, минатата сезона успеа да обезбеди опстанок во елитата освојувајќи го 11 место.
صفوفنا اكتملت ⚔️
المقدوني وصل 🇲🇰🤩 #داركو_اتفاقي ❤️💚 pic.twitter.com/oDkzWxtv0p
— نادي الاتفاق (@Ettifaq) August 31, 2022
الدولي المقدوني داركو فيلكوفسكي اتفاقياً حتى 2024. 🇲🇰 #داركو_اتفاقي ❤️💚 pic.twitter.com/cQHWxVyawY
— نادي الاتفاق (@Ettifaq) August 31, 2022