Одреден распоредот за Премиер лигата: Ливерпул и Челси уште во првото коло, Сити отвара против Компани
Фудбалерите на Манчестер Сити зад себе имаат сезона во која успеаа да освојат тројна круна, а наредната ќе ја започнат со гостувањето кај Барнли на 11-ти август.
Барнли од клупата го предводи легендата на Манчестер Сити, Винсент Компани, па поради тоа овој натпревар привлекува посебно внимание. Натпреварот е закажан за терминот од 21:00 часот.
Ждрепката сакаше уште на стартот да видиме едно големо дерби, па така во неделата ќе играат Челси и Ливерпул. Од комплетниот распоред може да се издвои гостувањето на Сити кај Арсенал на 7-ми октомври (осмо коло), додека на 28-ми октомври шампионот гостува кај градскиот ривал Манчестер Јунајтед.
Ливерпул и Евертон првото градско дерби ќе го играат на 21-октомври, а клубот од „Енфилд“ на актуелниот шампион му гостува на 25-ти ноември.
📣 #PLFixtures for the 2023/24 season have arrived!
— Premier League (@premierleague) June 15, 2023