Новиот филм на Тарантино урива рекорди!
Новиот филм на Тарантино ги исполни очекувањата во текот на првиот викенд од неговото прикажување во Америка и истовремено го потсети Холивуд дека квалитетот и оригиналноста можат да бидат добитна формула.
Остварувањето „Беше еднаш во Холивуд“, го урна рекордот според заработката во првиот викенд на прикажување во кината во Америка. Според остварената заработка од 41 милиони долари го надмина епскиот филм на Тарантино „Inglorious Bastards“ од 2009 година.
За успехот на филмот придонесе неверојатната актерска екипа која режисерот ја собра – Бред Пит, Леонардо Дикаприо, Маргот Роби, Ал Пачино, Курт Расел, Дакота Фенинг…
Дејствието на филмот ги враќа гледачите во 60-те години на минатиот век и го следи глумецот Рик Далтон (Леонардо Дикаприо), поранешна ѕвезда на ТВ серија и неговиот каскадер Клиф Бут (Бред Пит) на патот до пронаоѓање на своето место под сонцето во филмската индустрија…
Тарантино досега со ниту еден свој филм не ја изневери публиката, па затоа и македонската публика со нетрпение го очекува пристигнувањето на „Беше еднаш во Холивуд“ во Македонија, кој ќе почне да се прикажува на 15 август.