Нов тренд: Стручњаците открија зошто се повеќе бебиња се раѓаат во лето!
Германските експерти забележаа интересен тренд во последните четириесет години – повеќето бебиња се раѓаат во јули, август и септември. Претходните години биле сосема поинаку, па повеќето деца пристигнувале на пролет.
Податоците од германските породилишта исто така потврдуваат дека ова не е само претпоставка. Така, во јули минатата година се родиле околу дваесет проценти повеќе деца дневно отколку што биле родени во декември. Односно, во германските породилишта во просек се раѓаат 2.344 бебиња секој ден, додека декември е традиционално послаб со просечно 1.935 бебиња, пренесува Јутарњи лист.
Но, во 70-тите години на минатиот век било сосема поинаку. Во тоа време, најголемата гужва во породилиштата била во февруари, март и април. Што се смени?
Една теорија вели дека тајната е во „славењето добра жетва“. Поголемиот дел од населението живеело од земјоделство, објасни Себастијан Клусенер, раководител на одделот за истражување за демографски промени и стареење на државниот институт за истражување на населението (БиБ).
„Фармите гледале во текот на летото дали жетвата ќе биде добра. И ако силосите и складиштата се полни, тогаш семејството може да си дозволи уште едно дете“, се согласи Џошуа Вајлд од Одделот за демографски истражувања на институтот Макс Планк.
Исто така, крајот на летото било резервирано за традиционални прослави на добра жетва, а земјоделците често се чинело дека ги продолжуваат прославите под чаршавите.
Експертите исто така забележале дека во минатото предбрачната сексуалност била непожелна, а вонбрачните деца биле срамота. Бидејќи свадбите биле најчести во текот на летото, јасно е дека младенците брзале да ги исполнат своите брачни должности, пишува Дојче веле.
Покрај историјата, експертите бараат одговори на друго место. Имено, постои теорија дека машката плодност е под влијание на температурата на околината, и се чини дека должината на дневната светлина или климатските промени, исто така, играат улога.
Појавата на овој тренд не е резервирана само за Германија, туку е забележана и во голем број други развиени земји.
