Фудбалерите на Барселона и на второто гостување во новата сезона останаа без победа. По поразот од Атлетик Билбао, овој пат на гостувањето кај Осасуна одиграа 2:2 и по три кола имаат четири бодови .

Повратникот во Ла Лига, Осасуна уште во седмата мунита преку Торес поведе со 1:0. Каталонците до крајот на полувремето ја контролираа играта,напаѓаа но не успеаја да постигнат гол.

Израмнувањето пристигна на стартот од вториот дел, во 51. минута тинејџерската сензација Ансу Фати успеа да го израмни резултат, а 13 минути подоцна, Артур носи водство за Барселона.

Кога изгледаше дека Барселона ќе успее да дојде до првата гостинска победа, капитенот Жерар Пике несмотрено играше со рака во својот шестнаесетник по што Торес со прецизен удар од пенал израмни на 2:2, резултат кој се покажа како конечен.