Нов отказ за Попович
Селекторот на кошаркарската репрезентација на САД, Грег Попович не стигна да се израдува на победата над Шпанија од 90:81, веќе доби нови грижи, му откажа уште еден кошаркар.
Последен кој се откажа од настапот на Светското првенство во Кина е крилниот центар на Хјустон рокетс, Пи Џеј Такер, кој се пожали на повреда. Тој за време на подготовките го повредиглкуждот на левата нога и не сакаше да ризикува, па се повлече од репрезентацијата.
Houston’s PJ Tucker is withdrawing from USA Basketball ahead of FIBA World Cup because of an ankle injury, and will prepare for Rockets training camp, sources tell @TheAthleticNBA @Stadium.
— Shams Charania (@ShamsCharania) August 16, 2019
По отказите на 10-тина кошаркари, селекторот Попович остана само со 14 кошаркари и до крајот на подготовките тој ќе мора да го скрати списокот на 12 имиња.
Репрезентацијата на САД по победата над Шпанија, подготовките ги продолжува во Австралија каде ќе одиграат уште три контролни натпревари пред стартот на Светското првенство во Кина (31 август – 15 септември).