НОВ албум: „Хјубрис“ од Крсте Роџевски

Дискографската куќа МОД „Релоудед“ на 1-ви мај годинава ќе го издаде „Хјубрис“, новиот албум на Крсте (Кристо) Роџевски. Станува збор за десет нови авторски композиции на Крсте Роџевски (гитара/вокал) изведени и снимени во придружба на Мери Халворсон (гитара), Бил Ласвел (бас), Томас Фуџивара (тапани) и Икуе Мори (електроника).

Претпродажбата на дигиталната и ЦД-верзијата на албумот е во тек. Наскоро ќе следува и винилното издание. Станува збор за четврто албумско остварување на македонскиот психијатар кој живее и работи во Њујорк. Како пејач и кантавтор досега ги објави албумите „Батанија“, „Горчливи бадеми“ и „Зајакот и паднатиот јавор“. Негови песни се користени во филмовите „Бикини мун“ и „Сенки“ на Милчо Манчевски и во „До балчак“ на Столе Попов.

(Текстот е објавен во „Културен печат“ број 23, во печатеното издание на „Слободен печат“ на 21-22 март 2020)

Видео на денот