Во текот на месец јуни во Скопје ќе се одржат настаните кои се дел од проектот GIRL EMPOWERMENT – Женска Мотивација 2021, во организација на SIEC (Social Integration & Empowerment Center) и Трансформација. 

„Целта на овој проект е да мотивираме жени и девојки кон персонален развој и едукација за формално облекување кога се во потрага за професионална работа. Оваа идеја е базирана на интернационалниот модел од невладината организација Dress for Success за поддршка на жени. Дополнително, овој проект е наменет за поддигање на свесноста за етички консумеризам и пренаменета облека за наша предност”, изјавија организаторите.

Настаните кои се дел од овој проект ќе се одржат на неколку локации низ Скопје, а вклучуваат:
Clothing SWAP (22.06), Хотел Ми Каса  – Размена на облека со присутен стилист за помош и совети. Ќе се подаруваат и донираат алишта од Копче Црвен Крст заедно со други помали компании. Целта на овој настан е да ги едуцираме присутните за етичкиот консумеризам и да им овозможиме рзмена наместо купување нова облека.

Работилница за личен развој (26.06), Хотел Ми Каса – Заедно со life-coach Тања Брковска ќе проследиме сесија којашто ќе служи како прирачник кон поголема свесност и самодоверба во областа на бизнисот. На работилницата ќе откриеме како работи нашиот ум, ќе научиме како да комуницираме и како  да ја зголемиме нашата самодовреба, како да се чувствуваме добро во нашата кожа кога одиме на разговор за работа и како да подготвиме CV кое ќе не претстави најдобро. Ќе ги разработиме најчесто поставуваните прашања на интервју за работа и ќе бидеме подготвени да уживаме во процесот на аплицирање за работа.

Мake-over настан (03.07), ЦЕС академија–  За 2 жени кои ги проследиле претходните два настани, би сакале да подариме стајлинг од Сара Стојчевска, стилист од Њу Јорк, заедно со вклучена шминка и фризура, како и сесија со Тања Брковска за комуникација и професионални вештини.

За учество на настаните пријавете се ТУКА.

За организаторите:

SIEC – Мисијата на Центарот за социјална интеграција и зајакнување социјална интеграција и мотивација е да придонесе во враќање на достоинството и самопочитта на луѓето од регионот на  Јужно-Источна Европа, преку зајакнување и мотивирање на луѓето индивидуално.  Индивидуалното само-зајакнување и личниот развој ќе доведат до подобрена социјална интеграција.

Трансформација – Трансформацијата е асоцијација за развој на човечкиот потенцијал. Основната мисија е да се помогне преку трансформација што значи излегување од кутијата, рамката или зоната на познатото и со тоа да се постигнат поставените цели. Затоа што сите знаеме што е најсоодветно за нас. Бидејќи секој е уникатен, ние ја користиме богатата палета на разновидност на луѓе, водејќи ги во нивните лични и професионални трансформации.

Комерцијален ПР текст