Потпретседателот на ВМРО-ДПМНЕ, Александар Николоски, на фејсбук објави детали од, како што го нарекува, „скандалозниот тендер на Македонија пат“, со кој фирма поврзана со ДУИ ќе добие дури два милиони евра за кастрење на дрвата и косење на тревата на патиштата.

„Македонија пат“ има склучено договор со друга фирма за 25 пати поевтини цени на услугата за косење на трева и дрва на патен појас од цената на ЈПДП чија вредност достигнува над 2 милиони евра. Или, ако „Македонија пат“ обезбедила фирма да го направи сечењето на дрвата и косењето на тревата за 0,46 денари по м2, новата фирма од Кичево на тендерот на ЈПДП истата оваа услуга ја наплаќа 12 денари по м2. Односно, договорот на „Македонија пат“ кој е се уште важечки изнесува 1 милион евра за две години, а новиот договор на ЈПДП изнесува скоро 2,5 милиони евра. 1,5 милиони евра повеќе!“, пишува Николоски.