Несторовски го носи Палермо кон Серија А (ВИДЕО)
Македонскиот репрезентативец Илија Несторовски продолжува со одличните игри во дресот на Палермо постигнувајќи го 11. гол сезонава. Тој беше стрелец на единствениот гол со кој Палермо ја победи Верона во дерби дуелот од 31. коло од италијанската Серија Б.
Несторовски голот го постигна на стартот од второто полувреме, во 46. минута откако одлично реагираше на центаршутот на Стефано Морео.
https://twitter.com/MarcoRosanero77/status/1115347890602430464?ref_src=twsrc%5Etfw%7Ctwcamp%5Etweetembed%7Ctwterm%5E1115347890602430464&ref_url=https%3A%2F%2Fekipa.mk%2Fnestorovski-strelets-za-palermo-na-mechot-protiv-verona-video%2F
Со победата над Верона во дербито, Палермо дојде до 53. бодови за пласман на третото место на табелата во Серија Б, и има само еден бод помалку од Лече кој пак има одиграно еден натпревар повеќе. Директен пласман во Серија А обезбедуваат најдобрите две екипи, а екипите од третото до шестото место ќе играат плејоф и најдобриот тим ќе игра во најквалитетната лига во Италија следната сезона.