Непосредно пред средбата Мицотакис-Ердоган: Грција го замрзнува дијалогот за градење доверба со Турција – Слободен печат
ВестиПланета

Непосредно пред средбата Мицотакис-Ердоган: Грција го замрзнува дијалогот за градење доверба со Турција

Оваа одлука на Грција доаѓа на ден пред закажаната средба на грчкиот премиер Кирјакос Мицотакис со турскиот претседател Реџеп Таип Ердоган, на маргините на НАТО самитот во Лондон.

Со одлука на грчката Влада привремено се замрзнува дијалогот околу мерките за градење доверба со Турција поради последните случувања во источниот Медитеран, но и поради бранот бегалци и мигранти, објави грчката новинска агенција АНА-МПА повикувајќи се на извори од Министерството за одбрана на Грција.

Според истите информации, станува збор за владина одлука што ја спроведува конкретното министерство, надлежно за мерките, што на воено ниво се водат меѓу двете земји.

Оваа одлука на Грција доаѓа на ден пред закажаната средба на грчкиот премиер Кирјакос Мицотакис со турскиот претседател Реџеп Таип Ердоган, на маргините на НАТО самитот во Лондон.

Мицотакис, говорејќи со неговите соработници, според грчки владини извори, рекол дека на средбата со Ердоган ќе разговараат со отворени карти, ќе му ги постави сите теми поврзани со „турската провокација”, јави дописничката на МИА од Атина.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close