Нејмар: Останав во ПСЖ за да освојам Лигата на шампионите
Бразилецот Нејмар денеска ги разреши сите дилеми околу својата иднина, тој потпиша нов договор со ПСЖ и на „Паркот на принцевите“ ќе остане уште четири години.
Утринава „Лекип“ најави дека сите детали од новиот договор и само се чека официјално соопштение кое дојде неколку часа подоцна.
Со новиот договор, Нејмар ќе има помала плата од претгходно, ќе заработува 30 милиони евра нето секоја сезона, и тоа е за пет милиони евра помалку отколку што досега заработуваше.
🤙❤️💙#NeymarJr2025 pic.twitter.com/nNKvR52c4O
— Paris Saint-Germain (@PSG_inside) May 8, 2021
Но, доколку ПСЖ ја освои титулата во Лигата на шампионите, Нејмар ќе добие милионски бонус.
– Првата причина поради која се одлучив да го продолжам договорот беше чувството на среќа што сум дел од овој тим и клуб. Понатаму, остварив одличен однос со сите околу мене и уживам тука во Париз. Тоа што посебно ме привлекува е можноста да испишам историја со ПСЖ, сакам да ја освојам Лигата на шампионите тука – изјави Нејмар.