Не ви треба подобра причина од оваа! Зошто маргаринот или путерот треба да ги замените со маслиново масло
Не е голема тајна дека медитеранската исхрана е добра за здравјето. Состојките на оваа кујна и начините на кои се користат ги зајакнуваат коските, го подобруваат здравјето на мозокот, ги превенираат кардиоваскуларните болести и ја намалуваат шансата за разни здравствени проблеми.
Американското истражување покажа дека со замената на само пет грама маргарин, мајонез или путер при готвењето со истата количина на маслиново масло го намалува ризикот од срцеви болести за дури седум отсто. И уште една здравствена придобика, луѓето кои користат повеќе од седум грама маслиново масло дневно имаат 15 отсто помал ризик од кардиоваскуларни заболувања и 21 отсто помали шанси за коронарна болест, пишува Си-ен-ен.
Маслиновото масло, од друга страна, нема влијание врз мозочните удари.
– Тајната не е во додавањето маслиново масло во вообичаената исхрана, туку во замената на нездравите масти со него. Тоа го подобрува холестеролот, ги намалува воспалителните биомаркери и го подобрува здравјето на кардиоваскуларниот систем – рекол авторот на студијата д-р Френк Ху кој претседава со одделот за храна при Харвард.
Истражувањето исто така покажа дека когнитивните функции побавно пропаѓаат и дека луѓето што користат маслиново масло полесно ја контролираат својата тежина.
Истражувањето пријатно изненади многумина имајќи предвид дека една лажица маслиново масло има 120 калории.
Маслиновото масло е и најстабилно при високи температури и најдоцна од сите слични производи согорува штетни нуспроизводи. Кокосовото масло го држи второто место во таа категорија.