Навивачите на вистинскиот тим во Лајпциг купија 62.000 влезници за натпревар со „невидлив“ противник
Екипата на Лајпциг за неполни 10 години, благодарение на сопственикот на Ред Бул, Дитрих Матешиц, стана германски фудбалски гигант кој расте и во европски рамки.
Но, во градот од поранешната Источна Германија постои уште еден тим, Локомотива кој се смета за вистински и единствен градски тим.
Локомотива Лајпциг настапува во регионалната лига, но и покрај тоа има армија на верни навивачи, а за тоа доказ е невообичаениот пример.
Имено, навивачите на Локомотива организираа акција за помош на фудбалскиот клуб и купија дури 62.000 влезници за натпревар против „невидлив“ противник која би требало да се игра на 8 мај, а кој поради пандемијата на коронавирусот нема да се одигра.
Цената за виртуелните влезници е симболична, едно евро но и тие 62.000 евра се голема и важна сума во борбата за опстанок на клубот.
Интересно е што стадионот на кој настапува Локомотвива има капацитет од 11.000 седишта.
Најголемиот успех на Локомотива и настапот во финалето од Купот на победниците на купови 1987 година кога загуби од Ајакс.