Натпревар на сезоната во Евролигата, Барселона губеше 20 поени во последната четвртина за на крајот да победи
Кошаркарите на Барселона во неверојатен натпревар со 111:109 го совлада Уникс во 17 коло од Евролигата.
Каталонскиот тим се наоѓаше на работ на бездната во 31 минута кога губеше со 57:77, но благодарение пред се на одличната шутерска вечер на Никола Миротиќ, Барселона ја доби последната четвртина со 37:20.
Токму Миротиќ со поените на 15 секунди до крајот, го однесе натпреварот во продолжението бидејќи во регуларниот дел беше 94:94. Во дополнителните пет минути, иницијатативата ја презедоа каталонците и со поените на Јокубаитис дојдоа до голема победа. Кај Барселона одличен беше Миротиќ со 28 поени, Кајл Кјурик постигна 24 додека кај Уникс тројца кошаркари постигнаа преку 20 поени – Лоренцо Браун 27, Џон Браун 21 и Ајзеа Кенон 20.
Претходно Анадолу Ефес исто така во трилер натпревар ја победи Црвена звезда со 84:83 и тоа благодарение на поените од слободни фрлања на Мициќ на една секунда до крајот.
Алба Берлин ја искористи предноста на домашен терен и со 92:84 го совлада Монако.