Да се биде собирач на топчиња на Вимблдон е многу потешка работа одошто изгледа на прв поглед. Таканаречените “ball boys” или “ball girls” минуваат низ процес на ригорозна елиминација и тренинг, а од повеќе илијади кандидати се избираат само 250 момчиња и девојчиња, кои потоа се задолжени да ги дистрибуираат и собираат топчињата додека траат мечевите.

Најтешкото нешто е повеќечасовното стоење на сонце. Изложеноста подолго време на понекогаш многу силното сонце и неможноста да се заштитат, доведуваат до тоа некое момче или девојче да колабира од екстремната жештина. Но, шоуто продолжува…

И покрај тоа интересот за оваа активност е огромен. Оваа престижна улога е достапна само за учениците на околу 30 училишта во југозападен Лондон и Сари. Се пријавуваат илјадници деца, а изборот се врши во текот на неколку недели тешки тестови.

Во изминативе неколку години тренинзите започнуваа во февруари на спортскиот терен наречен Рејнс парк.

По Велигден, тренинзите се префрлаат на покриените терени на Вимблдон, а траат до два ипол часа, со 50-60 деца по сесија….