Најновата анкета ја изненади Хрватска: Милановиќ и Шкоро значително ѝ се приближија на Колинда во претседателската трка - Слободен печат

Најновата анкета ја изненади Хрватска: Милановиќ и Шкоро значително ѝ се приближија на Колинда во претседателската трка

Денес е објавено првото големо истражување за претседателските избори во Хрватска, откако претходно конечно беа познати сите 11 кандидати за прв човек на државата. Хрватски „Индекс“ ги објави нивните стартни позиции, но според нив, уште од сега е јасно дека завршницата на претседателската трка ќе биде непредвидлива и крајно неизвесна.

Според информациите, доколку денес се одржат претседателските избори во Хрватска, Колинда Грабар-Китаровиќ би освоила 27,4 отсто од гласовите, а веднаш зад неа се Зоран Милановиќ со 24 отсто и Мирослав Шкоро со 23 отсто. Сепак, според познавачите на политичките прилики во земјата, во следните две недели би можело да има значајни промени во овој поредок.

Од другите кандидати, Мислав Колакушиќ е на 8,2 отсто. Следат Иван Пернар со 2,9 отсто, Дејан Ковач би добил 2,6, а Далија Орешковиќ 1,3 отсто, додека Дарио Јуричан само 1,2 отсто од гласовите.

Останатите претседателски кандидати добиваат под еден отсто поддршка: Недељко Бабиќ, Анто Ѓапиќ и Катарина Пеовиќ. Меѓу гласачите кои се изјасниле дека сигурно ќе излезат на изборите, се уште има осум отсто кои се уште немаат одлучено за кого ќе гласаат. Според „Индекс“, со оглед на тесната битка меѓу првите три кандидати, претстои битка за секој глас.

Кои се гласачите на тројцата водечки кандидати

Колинда Грабар-Китаровиќ поголемиот дел од гласовите може да го добие од гласачите постари од 60 години и тука освојува 33 отсто. Истото важи и за оние кои имаат завршено основно училиште, каде може да добие 37 отсто, а тука е и Далмација каде води со 31 отсто.

Зоран Милановиќ пак, има поголема застапеност меѓу жените, каде може да добие 27 отсто од гласовите, а тука се гласачите над 60 години. Кога само тие би гласале, Милановиќ би добил 35 отсто од гласовите. Според „Индекс“, Милановиќ води во Загреб, каде има поддршка од 28 отсто од вкупната бројка на гласачи.

Гласачите на Мирослав Шкоро се на возраст од 30 до 44 години и тука тој добива 32 отсто, исто е и меѓу гласачите со средно училиште каде тој може да смета на 25 отсто. Шкоро води и во Славонија со 30 отсто.

Кој би можел да ги одлучи изборите

Изборите би можеле да ги одлучат неопределените гласачи, но и дисциплинираните. Видливо е како поголема желба за излез на изборите имаат гласачите на партиите ХДЗ и СДП.

Поголем е интересот меѓу постарите гласачи, поточно оние над 60 години, но и на високообразованите гласачи.

Поголема желба за излез на гласачките иместа имаат испитаниците во Истра и Приморје, во Загреб и на северот на Хрватска.

Истражувањето е спроведено од агенцијата ИПСОС на примерок од 1000 граѓани во Република Хрватска. Истражувањето е спроведено меѓу 4 и 6 декември 2019 година со телефонски метод. Важно е да се напомене дека тестирани се само гласачите кои планираат да излезат на гласачките места.

Прочитај повеќе

Следната деценија поради климатската криза ќе бидат раселени десетици милиони лица

Слободен печат

Адам Шиф: Разузнавачките агенции се под притисок од администрацијата на Трамп

Слободен печат

Цената на бензините без промена, поевтинува дизелот

Слободен печат

Адеми: Го чекаме УНЕСКО со раширени раце

Мирослава Бурнс

Трамп: Ќе направиме „многу лоши работи”, доколку не паднат бариерите од ЕУ

Слободен печат

Тачи му даде 15 дена на Курти за да формира нова влада на Косово

Слободен печат

Остави Коментар

7 + nine =

Прочитај повеќе

Мусави: Тврдењата на европските сили за иранското кршење се неосновани

Слободен печат

Јандроковиќ: Претседавањето со ЕУ е потврда за посветеноста на Хрватска кон европските вредности

Слободен печат

Пропадна лидерската средба, спас за Законот за јавното обвинителство ќе се бара во осумте пратеници

Весна Тодоровска

Надлежните трагаат по високо обучените професионалци кои ги ликвидираа шкаљарците во Атина

Слободен печат

Во текот на ноќта запалени неколку автомобили во Атина

Слободен печат

Данските легенди на инди-рок сцената – Efterklang, пристигнуваат во Скопје!

Слободен печат