Најголемата санта мраз од Антарктикот се отцепи: Долга е скоро колку македонско-бугарската граница
Се отцепи најголемата санта мраз од Антарктикот, 80 пати поголема од Менхетн, Њујорк. Сантата мраз се отцепи во морето Ведел, известија од Европската вселенска агенција, соопшти во средата Европската вселенска агенција (ЕСА), пренесе Си-Ен-Ен.
Таа е покуса само за три километри од македонско-бугарската граница, должината на сантата иснесува околу 170 километри, а широка е 25 километри и со тоа е малку поголема од шпанскиот остров Мајорка. објави Си-ен-ен.
New giant #iceberg breaking away from the Ronne Ice Shelf 13-05-2021 roughly 160 km x 25 km satellite image from @polarview @CopernicusEU #Sentinel1 pic.twitter.com/LmacupcuUW
— Keith Makinson (@KeithMakinson1) May 13, 2021
Научниците не сметаат дека отцепувањето на оваа санта мраз е последица на климатските промени, туку дека е дел од природниот процес на расцепување на мразот во регионот. Кога ќе се стопи, новата санта мраз нема да го покачи нивото на морето бидејќи била дел од тенок мраз што плови.
Отцепувањето прв го забележал океанографот Кит Мекинсон минатата недела, а тоа подоцна било потврдено од американскиот Национален центар за мраз.
Сантата мраз е именувана – А-76.