Од почетокот на пандемијата во светот се забележани повеќе од 134 милиони случаи на коронавирус, од кои моментално се активни над 23 милиони, покажуваат најновите податоци на сајтот „Ворлдметерс“.

Како што е објавено таму, досега од коронавирус заболеле 134.074.138 луѓе ширум светот, а 2.906.666 починаа, а 108.055.707 се опоравија од болеста.

Во светот во моментов се активни 23.111.765 случаи, а 0,4 отсто од заболените, поточно 100.974, се наоѓаат во тешка или критична состојба.

САД и натаму предничат по бројот на заболени и починати со 31.651.628 заразени и 573.045 смртни случаи.

На второ место по бројот на заболени е Бразил со 13.197.031 заразени, а на трето место Индија со  13.045.065 заболени, додека останатите земји имаа помалку од пет милиони регистрирани случаи на коронавирус.

Што се однесува до починатите на второ место во светот е Бразил со  341.097 смртни случаи, а на трето Мексико со 205.598 починати.