Вечерва околу 19:30 пет полициски патроли со ротациски светла на автомобилите и батериски ламби во рацете побрзале кон теренот каде последен пат беше видена двегодишната Данка. Српските медиуми пренесуваат дека на полицијате нешто и станало сомнително.

Како што јавија репортерите на „Блиц“, на местото каде исчезна Данка Илиќ владее голема тензија, а мештаните нестрпливо очекуваат нови информации за девојчето.

Српските медиуми исто така пренесуваат дека во близина на куќата каде исчезна Данка имало подземни тунели од рудник.

Пензионираната службеничка во Министерството за внатрешни работи на Србија заедно со новинарот Рајко Недиќ изнесе информации поврзани со дупките во близина на куќата, како и дека екипи на пожарникари отишле до тие канали за да најдат трага од исчезнатата Данка.

„Слушнавме и видовме дека под ротација поминаа противпожарната бригада и нови полициски возила. Во суштина, целиот терен се раскопува со багери. Имено, на имотот е пронајдена дупка, тоа се некои канали долги околу 10 километри и се поврзани со еден локален рудник. Кога една од тие дупки беше откриена, пожарникарите дојдоа и слегоа таму. Значи, таму се носи водата , има цел куп подземни тунели. Има голем број на овие шахти кои имаат пад и одат под земја. Затоа дојдоа нови единици и тимови на пожарникари кои со помош на камери и рефлектори ќе се обидат да се спуштат и да видат дека можеби девојчето паднало. Имаше како шума, многу шут, а кога багерите го расчистија просторот тунелот беше откриен. Не е вообичаено, двапати да одите, но не е ни противзаконски, во вакви комплицирани случаи може да се каже дека ова е добар чекор, покажува дека полицијата, односно јавниот обвинител надлежен за постапка, има идеја и насока во која треба да оди истрагата. Она што е важно да се истакне е дека не треба да прејудицираме каква било вина од страна на родителите поради фактот што тие двапати отишле во полиција бидејќи тоа е дозволено“, рече Недиќ.