Целосно е завршено уништувањето на минско–експлозивни, убојни средства и противпешадиска муниција, пронајдени во земјава во изминатите шест месеци. Процесот се заокружи со вчерашното уништувањето, кое како и претходните, се спроведе на воениот полигон Криволак и во присуство на ми министерката за одбрана, Радмила Шеќеринска.

-Со ова трето уништување убојни средства спроведено во февруари, завршивме со целосното уништување на овие средства пронајдени во земјава во втората  половина од минатата година. Се уништени над 2000 артилериски гранати и околу 5000 зрна противпешадиска муниција, пронајдена во атарот на струшкото село Франгово, рече Драгољуб Попоски од Дирекцијата за заштита и спасување.

Тој додаде дека во седумте уништувања спроведени зимава, почнувајќи од декември до денес, уништени се над 15 000 артилериски гранати и околу 5 000 парчиња противпешадиска муниција.

Артилериските гранати во најголем дел се пронајдени во близина на градскиот стадион во Битола и поголема бројка во Струшко, од каде потекнуваат и околу 5000 парчиња  противпешадиска муниција.

-Уништувањето е спроведено со целосно почитување на безбедносните мерки, а при завршниот чин, пиротехничарите се  одалечени на прописно растојание од околу  два километри, како и посматрачите на целата операција, појасни Попоски.