На 17 јуни се решава судбината на натпреварувањата во Европа
Извршниот одбор на УЕФА на 17 јуни ќе одржи состанок на кој ќе биде решена судбината на Лигата на шампионите, Лигата на Европа но и за натпреварувањето кое на нас ни е најважно, Лигата на нации.
Натпреварувањата се прекинати од средината на март поради пандемијата на коронавирусот.
Македонската фудбалска репрезентација на 26. март на Националната Арена „Тодор Проески“ требаше да игра против Косово во полуфиналето од Лигата на нациите за местото кое носи на Европското првенство кое пак е одложено за наредната година.
Во центарот на внииманието на состанокот ќе биде и завршницата во Лигата на шампионите и Лигата на Европа за кои се шпекулира дека ќе се одиграат во забрзан формат во август.
Финалето во ЛШ требаше да се одигра во Истанбул, а тоа во ЛЕ во Гдањкс, но минатиот месец УЕФА објави дека разгледува неколку опции за овие натпреварувања, а тоа би значело и промена на форматот.
Шпекулациите се дека завршницата би се играла во еден град со завршни турнири, а како фаворит фигурира главниот град на Поругалија, Лисабон.