Муслиу казнет од УЕФА, но сепак ќе игра против Косово
Стандардниот македонски репрезентативец, Висар Муслиу е казнет со два натпревари суспензија поради црвениот картон кој го доби на дуелот со Грузија во Лигата на нации, но сепак ќе му биде на располагање на селекторот Игор Ангеловски за дуелот со Косово.
Црвениот картон Муслиу го доби на натпреварот од второто коло од новото издание на Лигата на нации и поради тоа ќе може да настапи на 8. октомври кога Македонија го пречекува Косово во полуфиналниот бараж дуел за пласман на Европското првенство.
Баражот со Косово првично требаше да се игра во март годинава, но поради пандемијата на коронавирусот, тој е одложен за октоври.
Муслиу поради исклучувањето во Тбилиси, нема да настапи на наредните два натпревари на репрезентацијата во Лигата на нации, гостувањето кај Естонија и дуелот со Грузија кој треба да се игра во Скопје.