Мурињо го прескокна Фергусон: Ниту еден тренер нема повеќе европски победи од Жозе!
Екипата на Рома вчера славеше победа против Хелсинки од 2:1 во рамките од 5. коло во Лигата на Европа, а оваа победа најголемо значење имаше за тренерот на „волчицата“, Жозе Мурињо.
За португалскиот стратег тоа беше 107 победа во европските натпреварувања и така го прескокна на вечната листа легендарниот Сер Алекс Фергусон. Сега Мурињо е тренерот со најмногу европски победи во историјата.
Пред доаѓањето во Рим, Мурињо во Европа победуваше со Порто, Челси, Реал Мадрид, Манчестер Јунајтед и Тотенхем. Во најелитното европско натпреварување, Лигата на шампионите двапати се радуваше на трофејот, прво со Порто во 2004 година, а потоа со Интер и Горан Пандев во 2010.
Го освои Мурињо и второто по ранг натпреварување, Лигата на Европа, тоа му успеа со Манчестер Јунајтед во 2017 година, додека лани со Рома триумфираше во првото издание на новоформираната Конференциска лига.
