Портпаролката на руското Министерство за надворешни работи, Марија Захарова денеска најави руска „црна листа“ како одговор на санкциите од ЕУ и САД за случајот со Алексиј Навални.

Агенцијата ТАСС пренесува дека за време на гостување на политичката емисија на ТВ Канал1, таа истакна дека Русија соодветно ќе одговори на санкциите на САД и дека соодветната „црна листа“ е во подготовка.

– Во рамки на таквото американско однесување и начинот што своите листи ги објавија наеднаш, мислам дека наскоро ќе ги развеселиме, рече Захарова, пренесува ТАСС.

Портпаролот на Кремљ, пак, Дмитриј Песков претходно соопшти дена најновите санкции на САД и ЕУ против руски поединци и организации по случајот Навални, се интервенција во внаттрешните работи на Русија и дека се неприфатливи.