Молдавија изгласа нов премиер – Слободен печат
ВестиПланета

Молдавија изгласа нов премиер

Молдавија е една од најсиромашните европски држави и се соочува со корупција и политичка нестабилност.

Парламентот на Молдавија денеска го изгласа поранешниот министер за финансии Јон Чику за нов премиер.

Претседателот на Молдавија, Игор Додон вчера го предложи Чику за иден премиер откако во вторникот Парламентот и изгласа недоверба на владата на Маја Санду.

Владата предводена од Санду беше избрана само пред пет месеци, ветувајќи дека ќе се бори против корупцијата.

Санду формира лабава коалиција со Социјалистичка партија, која се покажа како неуспешна поради предложените реформи за изборот на државен обвинител.

Молдавија е една од најсиромашните европски држави и се соочува со корупција и политичка нестабилност. Земјата прогласи независност по распадот на Советскиот Сојуз во 1991 година.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close