Ако некоја намирница може да промени толку улоги во јадењата и повторно да заведе со својот вкус, тогаш тоа се шампињоните. Можете да ги додадете во сосови, да ги ставите на пица, да ги подготвите во варива, со ориз или со месо.

Приготвувањето на јадења со печурки не е тешко, бидејќи печурките генерално не одземаат многу време за варење или пржење. Многу готвачи препорачуваат печурките да се излупат, но дали печурките треба да се излупат и зошто постои такво верување.

Чистењето печурки треба да биде особено внимателно, бидејќи тие се нежни и со лесно ранлива површина. Експертите препорачуваат печурките да не се мијат, бидејќи имаат способност да апсорбираат вода, што го нарушува нивниот вкус и го продолжува времето за готвење. Најдобро е внимателно да ги исчистите печурките со мека четка, сув сунѓер или со кујнска крпа. До неодамна се мислеше дека печурките треба да се излупат, бидејќи нивната нежна кожа може негативно да влијае на луѓето кои страдаат од хроничен гастритис или колитис, но таквата врска не е докажана.