Младата фудбалска репрезентација до 21 година, одигра 1:1 на гостувањето кај Израел во квалификациите за ЕП. Резултатот од натпреварот кој се играше во Нетанја е идентичен од тој што се играше во Скопје.

Натпреварот започна половина час подоцна, откако претходно беше исто така беше променет терминот, а причината за доцнењето е бидејќи главниот судија бил позитивен на коронавирус.
Израелците поведоа уште во првата минута, поточно во 16. секунда од натпреварот со голот на Јосефи.

Избраниците на селекторот Благоја Милевски имаа можност на стартот од второто полувреме да израмнат, но Дарко Чурлинов во 51. минута не го реализира пеналот. Сепак, 25. минути подоцна Македонија израмни со голот на Јани Атанасов.

По ремито во Израел, Македонија остана на второто место на табелата со 16 бода, два повеќе од Израле, а во последното коло на 17. ноември во Скопје ќе игра против Црна Гора.