Младинска ЛШ: Шкендија поразена во првиот меч од Хајдук Сплит
Денеска во првиот натпревар играчите на Шкендија до 19 години во Скопје загубија во првиот натпревар од првата рунда во младинската Лига на шампионите од Хајдук Сплит со 2:0.
Реваншот ќе се одигра во Хрватска на 20 октомври, а победникот од овој двомеч во следната фаза ќе игра со подобриот од пресметката Даугавпилс – Минск. Минск во првите 90 минути славеше со 4:0.
Головите за Хајдук Сплит ги реализираше Филип Чуиќ, првиот во 28, а вториот во 55 минута од мечот на ФФМ Тренинг центарот. Противникот беше убедливо подобар во сите 90 минути. Воглавно се играше само на половината на Шкендија.
Младинската ЛШ е поделена на два дела. Во првиот се играат истите 32 екипи како во сениорската ЛШ и се еднакво распоредени во осум групи.
Во вториот дел, во делот каде што е ФК Шкендија се уште 32 клубови кои играат во нокаут-систем. Во тој дел се јуниорите кои ги освоиле првенствата на своите држави, но нивните сениори не се пласираа во Лигата на шампионите.