Митревски и Порто извлекоа реми на гостувањето кај Веспрем
Екипата на Порто успеа да остане непоразена на гостувањето кај Веспрем играјќи 28:28 во 11 коло од групата Б во лигата на шампионите. Голманот на македонската репрезентација Никола Митревски целиот натпревар го преседе на клупата, а во игра влезе само при изведување на седмерец на Веспрем, но не успеа да го одбрани.
Веспрем во првиот дел најчесто беше предност, но на одмор се замина со нерешени 15:15 и тоа откако Мае погоди во последните моменти за унгарскиот тим. Во вториот дел, ракометарите на Порто поголем дел од времето беа во водство, но Веспрем со голот на Петар Ненадиќ во последната минута остана непоразен.
Најефикасни во тимот на Веспрем беа Кентан Мае и Петар Ненадиќ со по шест гола, Македа даде четири, додека во редовите на Порто М’Бенге, Веитиа Валдес и Салина со по четири пстигнати голови.
Алборг славеше на гостувањето кај Мешков Брест со 30:33 и се израмни со Монпелје на врвот на табелата во групата А. Феликс Клар со седум погодоци беше најефикасен кај Данците, додека во редовите на Мешков Брест, поранешниот вардарец, Сташ Скубе постигна осум гола.