Министрите за здравство на земјите од ЕУ на состанок во Брисел за коронавирусот

Министрите за здравство на Европската Унија ќе се состанат следниот петок во Брисел, за да разговараат за мерките за борба против коронавирусот, напиша денес портпаролот на Европската комисија на Твитер.

Министрите веќе се состанаа на 13 февруари и одлучија да ги координираат силите во борбата против епидемијата.

Бројот на заразени со коронавирусот во светот изнесува 84.117 луѓе од кои 2.870 починаа во 59 земји и територии, објави агенцијата „Франс прес“ на основа на службените извори до 18 часот денес, пренесува „Индекс“.

Претходно денес Светската здравствена организација (СЗО) го подигна ризикот поврзан со коронавирусот на „многу висок“, што е највисоко можно ниво, бидејќи заразата е потврдена кај околу 79.000 луѓе во Кина и повеќе од 5 илјади во светот.

СЗО ја зголеми проценката за заканата од коронавирусот на највисоко ниво

Од четвртокот во 18 часот до денес во 18 часот се забележани нови 1.435 новозаразени.

Видео на денот