Десетина мигранти зграбиле јаже и се наместиле еден зад друг за да се обидат да ја срушат оградата на границата со Грција за време на вчерашните судири, пренесува британски „Метро“.

Тие се обиделе да поминат низ тампон-зоната на границата меѓу Грција и Турција, но полицијата ги спречила и ги вратила назад.

Фотографиите се направени близу до граничниот премин Паразкуле во Едрене, каде од минатата недела пристигнаа илјадници луѓе кои се обидуваат да влезат во ЕУ.

Повеќе од 10.000 мигранти, поголемиот дел до Сирија, но и од други земји на Блискиот исток и Авганистан пристигнаа до грчката граница, надевајќи се дека ќе стигнат до западна Европа, откако Турција им ја „отвори вратата“ на бегалците.

Грчките власти искористија солзавец за да ги задржат мигрантите, но негираат дека користеле муниција.

До судирот на границата дошло откако турските официјални лица информираа дека грчката полиција убила миграт и повредила уште петмина во средата кога се обиделе да ја поминат границата меѓу двете земји, информација која Грција ја нарече „лажна вест“ и веднаш ја негираше.