Капитенот на Барселона е застапуван од страна на неговиот татко Хорхе, додека на спротивната страна е претседателот на Барселона, Хосеп Мариа Бертомеу и според „Марка“ нема никакви несогласувања или спорни моменти во преговорите.

И двете страни се согласни како треба да изгледа новиот договор, колкава ќе биде платата на Меси во наредните три години, но само една ставка му задава проблеми на Бертомеу.

Имено, Меси инсистира во новиот договор да остане клаузулата која му овозможува на Аргентинецот по крајот на секоја сезона да каже дека сака да си оди и Барселона и тоа без обесштетување.

Но, таа клаузула не се однесува на најдобрите европски екипи, доколку некоја од нив го бара Меси ќе мора да плати најмалку 400 милиони евра, туку таа се однесува за „егзотични“ дестинаци на кои заминаа некои негови поранешни соиграчи како што се Катар (Чави), Јапонија (Иниеста) или Аргентина (Маскерано).

Според новиот договор, платата на Меси ќе остане иста, нето годишна плата од 29 милиони евра.