Меркел пресече: Им ги укинува бесплатните ковид тестови на Германците за да се вакцинираат

Фото: EPA-EFE/CLEMENS BILAN

Во Германија од 11. октомври тестирањето на граѓаните на коронавирус нема повеќе да биде бесплатно, за да се охрабрат луѓето да се вакцинираат, најави денеска германската канцеларка Ангела Меркел.

Таа по разговорите за пандемијата со челниците на 16 германски покраини рече дека од граѓаните кои сакаат да посетуваат јавни места ќе бара да бидат вакцинирани, да имаат негативен ковид-тест или потврда дека прележале ковид-19, објави АП.

Меркел истакна дека Германија има доволно количество вакцини за целокупното население, од кое повеќе од половината веќе е вакцинирано целосно.

Канцеларката порача дека Германија мора да ја забрза кампањата за вакцинација против ковид-19 за да избегне преоптовареноста на својот здравствен систем.

-Лоша вест е дека темпото на вакцинација значително забави. Се надевам дека повторно ќе го забрзаме после одморите, изјави Меркел на конференцијата за новинари по разговорите со локалните раководства, пренесува Ројтерс.

Видео на денот