Заменик-претседателот на рускиот Совет за безбедност и поранешен претседател на Русија ,Дмитриј Медведев,  смета дека руската војска одбивајќи ја контраофанзивата на колективниот непријател, Украина,  ги штити граѓаните на Русија и нашата земја. Според него, тоа им е јасно на сите пристојни луѓе.

Медведев исто така тврди дека и руските вооружени сили спречуваат нуклеарен конфликт.

„Ако замислиме дека украинската контраофанзива успее со поддршка на НАТО и дека тие окупираат дел од нашата земја, тогаш врз основа на правилата на указот на претседателот на Русија од 6 февруари 2020 година, би морале да одиме на употреба на нуклеарно оружје“ – напиша Медведев на Телеграм.

Поранешниот руски претседател наведува дека нема друг излез, па затоа, како што вели „нашите непријатели мора да им се молат на нашите воини, затоа што тие не дозволуваат да се разгори глобалниот нуклеарен пожар“.