„Ме наместија“: Ники Минаж уапсена на аеродромот во Амстердам
Американската раперка Ники Минаж е приведена на меѓународниот аеродром „Схипхол“ во Амстердам, Холандија, објавија локалните медиуми.
Минаж снимила дел од средбата со полицијата и ја објавила на социјалните мрежи. На видеото јасно се слуша како полицаецот ѝ вели: „Уапсена сте“.
„Се обидоа да ме спречат да дојдам на концертот. Ми ги земаа торбите пред да можам да ги видам. Ги ставија во авионот. Сега велат чекаат царина. Вака изгледа кога на луѓето им се плаќаат големи пари за да се обидат да ја саботираат турнејата откако сè останато не успеа. Сè што направија е незаконски“, се пожали таа.
— Nicki Minaj (@NICKIMINAJ) May 25, 2024
Холандската полиција соопшти дека „41-годишна Американка е уапсена под сомнение дека поседува лесни дроги“, но не го навела името на жената за која станува збор.