Тениската сезона наскоро ќе започне, а прв од големите тениски турнири кои се враќаат на големата сцена е УС Опен кој треба да започне на 31. август.

Организаторот на грен слем турнирот најави дека ќе се безбедносните протоколи за тенисерите и тенисерките ќе бидат строги и сериозни и ќе мора да бидат почитувани од сите.

Енди Мареј смета дека сигурно ќе има играчи кои ќе ги прекршат протоколите и бара тие да бидат ригорозно казнети.

– Мислам дека поголем дел од играчите ќе ги почитуваат правилата, но ќе биде глупо да очекувате дека никој нема да ги прекрши протоколите. Видовте дека такво нешто се случи и во НБА и мислам дека тоа се случи во голфот така што треба и организаторот на УС Опен треба да се подготви за вакво нешто во Њујорл. Мислам дека казните треба да бидат сериозни, бидејќи на крајот на краиштата ги изложувате на ризик сите учесници на турнирот. Тениската федерација на САД (УСТА) вложува огромни напори да го направи турнирот безбеден, така што играчите кои нема да се продржуваат кон правилата треба да сносат сериозни последици – вели Мареј кој најави дека сигурно ќе игра на УС Опен.

– Мора секој сам да си донесе одлука за тоа, а верувам дека УСТА ќе смисли некако „меур“ за играчите. Најверојатно во наредните неколку дена ќе го резервирам летот за САД.